Paroles du 2ème album du groupe SAGHRU nbaa

Seg wuliw yesfan
Azul ameqran
Keyyin a Sliman
Aryaz ameqran
(Refrain)
Z’z’an-ak aght
G ubrid n Tlelli
Ran awal nnek
Ad usar yili

(Refrain
Wiyha a sliman
Nugi add naki
Wiyyeha a Sliman
Nga amm wulli

(Refrain)

Akk h’bsen meqqar
Akk gin d acemkar
Nssenk ameh’dar
Abrid-ik netfar

(refrain)

Anassaf

Mc-ak-tt zman keyyin

Nekkin ur-i-tt zemman

Mc-ak-tt kmsen keyyin

Ggulligh ur-i-tt kmmsen !

Ur sulegh gigh amm lligh

Xs adur-i ttessat !

Anef imi ffeghen-d iqucan nnek

Ur yad dayi settsan !

Udak xla n th’ellal !

Nekkin yad ur gigh iyymak

Tayematt nnek ayanassaf

Xs awittit iyemmak !

Tasuta nnek tezdayak !

Ar tekkat tibaz’alin !

A wanna rran ccerfa !

Keyyin terrut taccerifin !

Cuf yan h’errin amm tili

Inna-k ira Tilelli,

Ayed-ak ulligh

Tssenghiti tasa tgit la poupée

!.

Gragh yan wawal



Gragh yan wawal

Gragh yan Lhemm !

Gragh yan wasif !

Gragh yat lmut !

Yan wawal, irecmi ammas n wul!

Yan lhemm, ibeddli itran n yid!

Yat lmut t3ddeb winna yeh'yan!

Yan wasif ur ili fad nnegh!

Adam h'dugh ayenna ligh !

Adam zrigh igran inw!

Marad teddert ad thennat !

Kkenid, imettawen n wulawen!

Tasit awal d rray

Tennit-i illa wemciwar!

Tasit aghruc s ulli!

Tennit-i illa wem3iwan!

Tezrit-i ad nalla

Ar tteqlegh s lmut




Ameghnas




Llef tighratin

Ayemma zzad isefra !

Tarwa nnem ur nzin

Imal ad gin tameghra !

Rrbat aged mdin

Aghyul ikkasen tasega

Aghyul bu-tmezyin

Isid xf iyyema g Taza!

Ughighuc brin

Ffeghen tidit ssutren

Lmexzen urrin !

Isissid zarsen ibhimen!

Maci yan negh sin!

Ad usin s ibniqen

Lbattel atten ighlin

Amer ufin widdegh atten tcin!

Yalalalelella afus i ayt ghighuc

Yalalalelella irizen ur isda3 ughruc!.

Uddur akw yelan

Yuwit yuwit Umeghnas

Tarwa n tserdan

Usar ffighen tillas

Usined ighercan

D lasyuf s aytma g Mknas

Gand amm irezzan!

Addiges bbin lh'esh'as!

Terwi g Imtghren

Afa issaghet Lmewzen

Ighyal isaden

Ran ad uten waxxa drusen!

S umzebri d izran!

Kind itnan s Imeghnasen

Umzend lmlayen!

Ad seffan; ccuvinyyin!!!!

Yalala…..! adad I Jadarmiya !

Yalal…..! neghuyy i gar Ddula.

Mdden ur festin

Uwsen taghuct umussu

Ameghnas meskin

Ikka afus g umurku!

Izerfan wefgan??!

Festan, is umzen duru??

Amridd Falastin

Nekrend ad siwlen Kullu!

Le jeu tyafracen

Eebbas yuwi tifernin

Waddegh yeggullan

Isexsay ghifnegh tiftilin!

Tureyya Jebran !

Taneghlafet n idelsan

Tiyira n zzeman !

La comédie g lberlaman!

Yalal….! Ut afus i lh’ukuma !

Yalal….! Atcdeh’ Sse3diya




Tamara




Eafak aha Bu th'anut?!

Eebrid az'alim ij'j'an!

Att amsegh i titt yallan

Ad teqqar amm kan tanutt !

Eafak aha Bu th'anutt

Ad ur seksiwegh A3raben!

Eafak a Bu th'anut?!

Nemyar aya d Lmexzen.

Tarwa n Fas g Ciratun

Da-kemmin Ssigar !

Tarwa n Fas g Lberlaman!

Da-ttelmen tikerkas!

Muh'a idder g uqecmir!

Ar ikemmi Kaza!

Ikkat zzit d weghrum

Ur yufi mayelsa!!

Eafam a tudert ij'j'an!

Kid yan uclif n tmara

Att 3awdegh i ta yellan

nekkin walefgh az'az'a!

Eafam a tudert ij'j'an!

Ad tefsis tudert i ka

Eafam a tudert ij'j'an!

Nekk Myaregh tamara.

Timlillay Elalabu!

Mayet3na Ittu H'emmu!

Timlillay n Bu3ezza!

Ayed-agh issekar udabu!

Ghas ad nekkat h'erribu!

Dagh isnagh ar-agh ibettu




Tagrest taberkanet

Assa ukigh d usemmid,

Imanid d Tillas

Tafuyt ur-d tuliy,

Idlett uzwu n tkerkas

Refrain : tagrest taberkant.

Inurez ighal udabu idd adak,

Irrez’ ifadden

Tarwa n Dades teddam,

Irakn-i-d uqeryan

Refrain : tagrest taberkant

Assa ayed nnigh ad allegh,

Imettawen ih’erran,

Acku assa ayed zrigh,

Is lligh d wuccan!.

Refrain : tagrest taberkant

Usin mdden s amurku,

Amezzan d umeqran

Nekkni nuh’el nsghuyyu,

Walu mayed isellan.

Refrain : tagrest taberkant

Tagrest ad tezrey teddu,

Iwzemmul n wussan ?

Mani mayed iferrun,

Ayenna yaghen mdden ?

Refrain : tagrest taberkant


Tarir




Han tarir tumzagh !

Datekkat ar nekkat !

I3awnas wakud !

Yusi-d zari amer3rad.

Ay-aydud awiss mantur?

Iqqan add-tfafat!

Nekkni numez yad abrid,

Mek-d-tukit tseqqsat.

Kkigh abrid g tillas

Az'az'a yenghayi !

Iddegh ur ufigh agari,

As usigh aghuyyi.

Unna ur ighiyen i-tnughi,

Ad-ur-agh irez'z'a !

Nekkni seg mayed nella !

Neqqim aha n-ttemzenza!

.



Ayhay




Eebbas irbeh’ g lotto !

Ifkas iwmazigh rh’u !

Iffeghagh-d zund Bexxu !

Innas itmazight UHU !

Ghas yuwd-nn lh’ukuma

Irar-d akud n ssiba !

Iffeghagh-d g ttelfaza,

Icbeh’ maca ishurra !

Ar yesxitir a3ebbud

S udrim n yan umezlud

Inna-yagh utat alud

Eebbas-a d amesxud

D umghar iga aghilas !

Izzenza-y-agh umessas

Abergag axendallas

Tawuri nnes tikerkas.

Neghra s yiles n lwazir

Numez aghruc n lkumisir !

Sbeddanagh xf ughtir !

Rrez’nagh ifrawen amm utbir.

Uwin-agh télévision !

Kant-t i tarwa n Fer3un !

Zdghen diges amm tta3un !

Ran ad-agh 3demn lwacun.