les paroles du premier album de AMNAY

INEKRAF
Gan-asen tiyeffarin
Reglen γifsen tifelwin
Id matsen nna mi tent-iwin
Allant iḍ d tifawin.

Uhu a yemma!
Ad ur tallat!
Isul yan wass
A kem-id-uγulen.

Widdeγ iṭṭfen imeγnasen
Widdeγ iccaren d uccanen
Ad ten-ḥsuγ yiwen yiwen
Ad frun ixarriqen.

Uhu a yemma!
Ad ur tallat!
Isul yan wass
A kem-id-uγulen.

Timmuzγa tella g iman
Amm igḍad ig εlulan
Terẓag-asen g wulawen
Ad tt-kerfen ur zmiren.

Uhu a yemma!
Ad ur tallat!
Isul yan wass
A kem-id-uγulen.

Ay Amaziγ nra afus-nnwen.
Awsat-asen i imeγnasen
Ad ffγen g ibniqen
Ad bbin imeṭṭawen!

Uhu a yemma!
Ad ur tallat!
Isul yan wass
A kem-id-uγulen.

Amnay.

ASEKLU

Aseklu bu umalu
Tufet amalu n leεlu
Yuwi amuttel umeddallu
Γifek ibbin aγbalu

Dilli g digek ifriwen
Ar smulun iεdawen
Nekwni ayed ihwan
Da nalla imeṭṭawen
Maca amm iẓuran
I hat sulen iẓuran.

Bbin γifek waman
Kkan γifek wusman
Imki mad akw t-idman
Ad γifk nefk idammen
Imkiddaγ n iẓuran
I hat sulen iẓuran.

Reεb i wallen n wanuḥ
Ayd irẓa d aceṭṭuḥ!
A mek inna iffeγ-k rruḥ
Rruḥ isul ad iruḥ
Imkiddaγ n iẓuran
I hat sulen iẓuran.

Imkiddaγ n iẓuran
I hat sulen iẓuran
I hat sulen iẓuran
I hat sulen iẓuran.

Naṣer TAKFA

AR MANI ?
Neqrat-d isekla
Tessiγem-asen afa!
Redlat tigwemma
Tezdum i tawda!
Nγat bba d mma
Tesγarem-nn iγbula!
Ass-ddeγ amm usekka
Iniγi walabudda.
Annayeγ uccen iksa
Iselmili-d ilguma
Ar itsetta tugwa
Awd anẓar ar t-issa
Ar mani nalla?
Ar mani nettfesta?
Ar mani? Ar mani?
Iqqan-d ay ayetma
A nasi awal s afella.
Ar mani? Ar mani?
Sfeldat i tγuyya!
Awd aẓru ar yalla
Han tilelli tedda
Han uddur ig igba
Tiggas ur tijjin s tirra
Asafar-nnes tamunt ag illa.
Muḥa Faḍili

LMILI-D!

Tellit a uyma γif ir n tama,
Issiwed-i uzwu a k ur itḥi,
Ad ak-icceṭ uḍar ibbey-ak uduku
Ad tazent afus, walu keyyin d mi.

Lmili-d! Lmili-d!
Lmili-d ay Amaziγ!

Ad tannayet tifinaγ llant γif iselli,
Ad tekḍut aledjig ssegman imeṭṭawen.

Lmili-d! Lmili-d!
Lmili-d ay Amaziγ!

A nesmun ifassen naweγ g yat temnaṭ,
A nezzizer awal a nessifeḍ ifesti.

Lmili-d! Lmili-d!
Lmili-d ay Amaziγ!

Ad as-netter i tafuyt ad tessidd i ubrid
Tezrit ay Amaziγ a k ur uten iγetran.

Lmili-d! Lmili-d!
Lmili-d ay Amaziγ!

Muḥa Faḍili

TAYRI
Tayri-nnem tuder g wul-inu,
Ya siwel ala rar-i-d awal!

Tesnemt-i tanezγa
Ula awed awal,
Teddit day kemmin
Gen-aγ tayeffart.

Tayri-nnem tuder g wul-inu,
Ya siwel ala rar-i-d awal!

Uhu d wayeḍ uhu!
Ur kem-ttettuγ ala!
Seg mayed i-tusit
Ur i-tesriset abda.

Tayri-nnem tuder g wul-inu,
Ya siwel ala rar-i-d awal!

Neγra-am, tsellat-aγ
S wulawen ittebbin;
Taγulet tusit-aγ
Akw ur ta am-t-nnin.

Tayri-nnem tuder g wul-inu,
Ya siwel ala rar-i-d awal!

Amnay

TIMMUZΓA
Timmuzγa tesman-aγ,
Abda n ddunit ad nella;
Tifinaγ ad nettara,
Tamaziγt awal-nneγ.

Nnan-i ur γurek tirra,
Asiγ ad uruγ isefra.

Aha aha, nella da
Nekka abrid n twada.
Ad ur ttettum nella da,
Azemz ha-t-in issuda.

Nnan-i: “Matta keyyin?”
Nniγ-asen: “D Amaziγ!”
Nnan-i: “Mecta teswit?”
Nniγ-asen: “Ur da nezzaγ!”

Meεtub Lunes, waxxa k-nγan,
Nusi deffirak anezwum;
Hat ur nenni a k-nettu,
Hat abrid-nnek ag netteddu.

Tamaziγt a yemma-inu,
Tasa d wul-inu ag nn-tellit.

U Γiγuc ay aterras
N tmaziγt ig ameγnas,
Ggullan ur tteḥnaten,
Ur kkulen fkin idammen-nnsen.

Ttyamaẓen iregzen
Γef tmaziγt ad tumu;
Ineqqa-aγ lmexzen,
Hat issumma idammen-iw.
Amnay

Amnay