قصيدة كذبة عمر

خذ الطهر كله وعطني الخيانه
محتاجه اكذب واتغيّر وأخونك
حفظت سرك مثل حفظ الامانه
ولا بان في قلبك ولا في عيونك
سرك دفنته وسط صدري وعانه
مثل الأسير اللي قيوده تصونك
كنت احسب إني طير عليت شانه
تهواه وتحبه تهدّه بكونك
كنت انكسف لاقلت لي يافلانه
اخجل وانا احسبني غلاك وجنونك
يا ما رسمت أمال فالبحر دانه
خيبت ظني خيب الله ظنونك
ياما على خدي لطمت الميانه
لا حي لا ميت ولا ينعشونك
أجبرتني أعرف معاني الاهانه
وافرش لك الضلعان والجم دونك
حتى عيالي من رداه وزمانه
صاروا مع جور الزمن يلعنوك
ماقلتها والله ارجي حنانه
ماارجيك لكن العرب يجهلونك
هيّه كذا والا كذا .. إلا ّ لعانه
ماتسمع العاقل و من ينصحونك
ياما سترت عيوب لني جبانه
خوفا من اهلي للردى يشربونك
كنت احسب المشعاب فيه الليانه
واثري على ماقيل أصبر لهونك
ماخفت ربك في حدود الامانه
أزريت فيني لجل تقضي ديونك
طلقتني وخليتني فالمهانه
مابين سوطك والردى سار دونك
هذا جزاء من شال حبك وصانه
جهز جوابك للذي ينشدونك
ماهمني سواته وفعلت جنانه
لنّك ردي من فعلتك يعرفونك
ملتك كذبه واعتناقك ديانه
واجب عليك الغسل وترجع ركونك

sma7li is7abli t9ch3o lkhaliji dsl simo

ah oui ok radi nab9a ndir lilma3na dyalha wad7 osma7li

l3afw khouya mhm dsl