ديسير كاطو بالصور مممممممممممممممممممممممممممم

هاد الديسير كايتقدم وراء الماكلا .
المقادير :

1- كريم كاراميل : زلافة سنيدة + 2 فاني
ندوبوه فوق النار حتى يولي كاراميل ونديروه في بيريكس ديال الزجاج .
2- الفلان : 1/2 ل حليب + 5 بيضات + 5 فاني + 2 ملاعق سنيدة .
نفيضو الحليب ونخليوه حتى يبرد شوية ، يبقى دافي . نضيفو ليه البيض و الفاني والسنيدة ونطربوه بالطراب اليدوي
ونضيفوه فوق الكراميل .
3- عجين الكاطو : 5 بيضات + زلافة سنيدة + 1 فاني + زلافة متوسطة طحين .
ناخذ الاصفر لوحده ونطربوه مع السنيدة والفاني حتى يولي بحال الكريم ونضيفو ليه زلافة ديال الطحين وناخذ الابيض نطربوه لوحده حتى يطلع . نضيفوه على العجين بملعقة خشبية بشوية بشوية . نضيفو العجينة ديال الكاطو فوق الحليب . ناخذ طاوا ديال الفران ونديرو فيها شوية الماء ونحطو فيها البيريكس ديالنا وندخلوها الفران .
وهاهي ملي وجدات :

ديسير كاطو بالصور مممممممممممممممممممممممممممم P4140953copy

وهاهي ملي دخلتها للفران وطابت:

ديسير كاطو بالصور مممممممممممممممممممممممممممم P4140956copy

السيرو باش نسقيو الكاطو : عصير 2 ليمونات + 2 ملاعق كبار سنيدة + 3 فاني . نغليو هاد المقادير حتى يوليو سيرو .
ها نا كنسقي فيها بالسيرو :

ديسير كاطو بالصور مممممممممممممممممممممممممممم P4140957copy

ملي نسقيوها بالسيرو مزيان حتى تبدا تتحرك في الطاوا نقلبوها في الطبق ديال التقديم نزوقوها بالفاكهة اللي متوفرة في الدار . وها الشكل النهائي ديالها :
ديسير كاطو بالصور مممممممممممممممممممممممممممم P4140959copy