كراتان الدجاج والارز لذييذة عن تجربة

السلام عليكم ورحمة الله وبركاته

عندي ليكم كراتان لذيييييييييييذة وعن تجربة
المقادير.زلافة ونصف ارز مسلوق مع قليل من الملح والزيت ومصفى جيدا

نصف كلغ دجاج او حتى اقل ماشي مشكل ضيفي عليه 3 ملاعق زبدة+ملعقة صغير كاري+3فصوص ثوم مهروسة+ملح+ابزار وخلليه يتقلى حتى يطيب

قطع الدجاج تكون مقطعة قطع صغيرة

ثم صلصة البيشاميل
*2ملاعق زبدة حتي يدوبو وضيفي عليهم 2ملاعق دقيق ابيض وخلليهم حتى يتدهبوا وضيفي عليهم نصف لتر من الحليب+ملح+ابزار+قليل من الكوزة وخلليهوم فوق النار حتى يعقاد

والان خدي المول اللي غدي تقدمي فيه ديري طبقة ارز+طبقة صلصة+الدجاج+الارز+صلصة البيشاميل ثم الفرماج احمر محكوك ودخليها الفرن حتي تتحمر

وقدميها بالصحة والراحة