شعر عن انفلونزا الخنازير

الناس روعهـا زكـام الخنازيـر=من يوم ماتو اربعـه فـي بلدنـا
ماينعرف من عقبها ويش بيصيـر=كان المرض يزداد حنـا شردنـا
نبي نسافـر للقـرى والمهاجيـر=فيها السعـه والعافيـه ياسعدنـا
المدن في هذا الزمن تنفـخ الكيـر=كثـرة بلاويهـا بكثـرة عددنـا
امراض مع سرقه وغش ن وتزوير=والتاجر الفاجـر بسعـره جلدنـا
كثرت علينا الـوارده والمصاديـر=ولاعاد نقدر شـي لـو اجتهدنـا
الله يرحمنـا بحـسـن التدابـيـر=لولاه سبحانـه تـرى ماصمدنـا
وحنا نعرف انـه ولـي المقاديـر=ان كان رحنا للقـرى وان قعدنـا

مشكور على الشعر انفلنزا البشر بشكل عام والخنازير بشكل خاص