سعداتنا ، عندا المعلم فالدوار

صابك هم الدنيا يا بنادم
هاز ما فخيل الدنيا على ضهرك
سعداتنا حنا لي عندنا المعلم فالدوار
لي تقالت علينا، إهزها أويكفينا شر الغم
عياو اللوالا مايقولوا فهاد المثال
لي ماكفاه الهم إزيدو هم.
الإنتخابات دارت فالدواور فضيحة.
أوملي تقال على الناس همها، المعلم تطوع
أوقاليهوم ما تهزوا هم.
أنا نكفيكم شرها أونوريكم أش المعمول ..
أو أشنو غادي إتم .
أنا ماشي سحار ما عندي لا صندوق لا موحال
أنا مربي. أومربي الأجيال.
تجار القبيلة أوالعطارة موالين النوار أو الحنا والورد
أوموالين الكاميووات خاسهوم شي سم.
الله إهديك المعلم أش تتقول ؟
كيما قلت ليكوم خاصهوم شي سم
اللول بادي بالميم ، أو الثاني عندو الواو فـلخر
هيا بجوجهوم سميتهوم مو ؟
ما مو ما همو. هادو لي غادين إكفيوكوم شر الهم
صوتوا عليا ، صوتوا على مربي الأجيال.
أش بغيتوا داك العطار ، أولا داك التاجر
أولاخر عندو الكاميونات ، ماخاسو حتى هم .
واش قاد على هادشي المعلم ؟
أوعلاش لا ، الإنتخابات حق للجميع ، والأسرة رهان المجتمع
أش أوا تتقول ؟
إيه ياك حنا عائلة وحدا ، ياك التاجر ولد عمي
والعطار أمول الكاميونات من الدوار أوقراب ليا ؟
إيوا هاد الرمانة نقشروا والديها ، أوهانا كافيكم شر الهم .
أوالله إلى حيلة هاديك . إيوا أومن بعد ؟
من بعد أنا نجيب ليكوم الدو ، أوالما ...
أوندير محال بحالي بحال الناس، المهم راه كاين مايدار.
إيوا هاهية قصت المعلم للي فرق الدوار
أوالفضيحة وصلات لكل دار
كنا خوات أومتحابين بين أوبين
ملي وصلونا شي وحدين ، ولينا متفرقين
لاحنا من هنا أولا من هنا ، لا عند المدرسة ، لا فالسوق مع التجار
إوا ها الإنتخابات أش دارت بينا ،
العام الجاي نشاعلاه، نشوفو شي معلم جديد
لاعلا وعاسا إفكنا من هاد الصفاد أوهاد الحديد
إيوا وللي خرج من زريـبت الدوار ، مايلوم إلا راسو مليي إهددو شي خطر
أباراكا أصاحبي راه وقت الدرس هادا، التلاميذ راه ناعسين
المعلم بقا كيما كان ، أوالتاجر أوالعطار أمول الكاميونات تناسبوا بيناتهوم أولاو فواحد الدار.
صابك هم الدنيا يا بنادم، أوليتي غدار.