بيحبهــــــــــــا.....موت

بيحبهــــــــــــا.............


ينزل على الأرض المطر
ينكت بطراطيف الصوابع فى الحصى
اقرا.........وحاسب م الخطر
أنطق.........باحبـــــــــــك
ــــــــــــــــــــــــــــــــــــــ
يرسمك شفق الصباح
خطوط تنور فى الأفق
دايره ورا دايره ورا دايره
تتلف..........
تتّدور.......
وتتحور.........
وتتكور...وتنطق وحدها
مجنون بحبك
ـــــــــــــــــــــــــــــــــــــــــ
أستحى
من شمس شايفه فوق ضلوعى..خطوتك
جايباكى من فوق السحاب
منقوشه جوه القلب بهجة ضحكتك
باشتاق كتير....
باشتاق لأشواق السمير
تشرخ أأهات الحب فى القلب الكبير
تدخل تعربد فى الضلوع ما يهمها
زى سيف الحق
داخل القلب
ليه ما عاد القلب زى القلب
ما بيدق دق
ينده بأسمك..!!
حب..حب..حب..حب
و ما باليد حيله
بتدوبى جوه مكونات الدم
بتصيرى مصيرى
مشيتك جوه الوريد
خطوتك بتروح بعيد
قربى وضمينى...ضم
حاسبى على قلبى الوليد
لملمى أشواقى....لم
باحب ليه....و باحب ايه
القلب كان ناقص عذاب
من يوم ما داب
القلب تاب
والقلب كان فدادين خرااب
نزل المطر ع الأرض
باس الأرض.........!!
راح يسقى التراب
نزل المطر ع الأرض
هز الأرض....
دك الأرض....
أنبت سنبله بعودين خضار
وورده فيها طعم بقك..!!
ودفا شفايفك........!!
وابتسامه مولعه فى القلب نار
ـــــــــــــــــــــــــــــــــــــــــــــــ
ألفين عـــــــــــواف
ياللى شايله القلب
جوه الحضن ملفوف بالخجل
ألفين عــــــــــواف
والقلب منك يوم ما خاف
فى مره انه ينكسر
ألفين سلامه ياللى قلبك ما يساويه
بحرين حنان
يامكحله عنيكى بسواد عينى ورموشى
يا ملونه شعرك بدمى
يا مدوبه جروحك فى همى
باعشقك..........
وأحط أسمك جوه أسمى وانطقك
وأتوه..........مع ولاد الحلال
وأحط صورتك جوه صورتى...وأذوقك
أكتر وأكتر واعشقك
وأروح على جناح المطر
لبلاد بعيده ما تعرفك
ومع كل حبه م المطر
تنزل تقول .........
بيحبهــا...بيحبهــــا...بيحبهــا ...بيحبهــابيحبها بيحبها بيحبها